Во рамки на студиската програма на Факултетот за правни науки при Меѓународен Славјански Универзитет – Свети Николе, беше организирана предвидена практична настава со посета на Казнено-поправната установа Затвор-Куманово со Отвореното одделение во Крива Паланка.
Посетата им овозможи на студентите директен увид во системот за извршување на санкции, преку:
- запознавање со законската и организациска рамка на установата,
- кратка обука и презентација за условите и начинот на функционирање,
- обиколка низ делови од установата, вклучувајќи празни затворски ќелии, мониторинг систем,
- увид во работата на секторот за ресоцијализација, како и правно-административниот сектор.
КПУ Затвор-Куманово претставува казнено-поправна установа од полуотворен тип, со вклучено притворско одделение кое ги опслужува судовите од североисточниот регион на државата. Институцијата располага со капацитет за сместување на 200 осудени лица и 50 лица во притвор.
Во текот на посетата, Д-р Елена Стојанова Златева оствари средба со директорот на установата, г-дин Оливер Цветковски. Разговорот беше насочен кон разгледување на идни можности за продлабочување на соработката помеѓу Меѓународен Славјански Универзитет и Затвор Куманово, со акцент на практичната обука и развојот на студентите.
