Меѓународен Славјански Универзитет беше единствениот универзитет од регионот кој се најде на официјалната листа на учесници на Пролетните состаноци на Светска банка и Меѓународниот монетарен фонд, што се одржаа во Вашингтон, САД.
Во рамки на настанот, Михаела Ѓорчева, заменик претседател на Управниот одбор на Меѓународен Славјански Универзитет, и Иван Спасев, член на Управниот одбор, учествуваа на повеќе официјални средби, дискусии и настани организирани во седиштата на Меѓународниот монетарен фонд и Светска банка.
Пролетните состаноци на ММФ и Светска банка претставуваат еден од најзначајните глобални форуми на кој традиционално се собираат гувернери на централни банки, министри за финансии, носители на политики, претставници на приватниот сектор, како и истакнати членови на академската заедница од целиот свет. На овие средби се разгледуваа клучни прашања поврзани со глобалната економија, финансиската стабилност, развојните политики и актуелните геополитички предизвици.
На официјалната листа на учесници се најдоа и професори и истражувачи од водечки универзитети од САД, Франција, Англија и Швајцарија, што дополнително ја потврди високата релевантност и престижот на овој меѓународен форум.
Учеството на Меѓународен Славјански Универзитет на ваков значаен настан претставува уште една потврда за активната меѓународна позиционираност на Универзитетот и неговата посветеност кон градење партнерства, следење на глобалните трендови и вклучување во најважните современи академски и економски процеси.
Во наредниот период, Меѓународен Славјански Универзитет најави учество и на повеќе значајни форуми и конференции во Соединетите Американски Држави.
