Меѓународен Славјански Универзитет во Свети Николе беше домаќин на јавната трибина „Стоп за насилство и превенција во заедницата“, организирана од ИПОС – Интернационална Полициска Организација за Безбедност, со што уште еднаш ја потврди својата активна улога во поддршка на општествено значајни иницијативи и отворање на важни теми за безбедноста и превенцијата во заедницата.
Настанот се одржа на 09 мај 2026 година во просториите на Универзитетот и обедини експерти, професори и јавни личности кои преку своите излагања и дискусии придонесоа кон подигнување на јавната свест за значењето на превенцијата и институционалната соработка во борбата против насилството.
Свои обраќања имаа:
- М-р Боби Бојчевски, претседател на Независен синдикат на здравствени работници
- Проф. д-р Павле Трпески, професор на Европски Универзитет
- Сотир Костов, брендолог, аналитичар и поранешен општински јавен обвинител
- Проф. д-р Слаѓана Ангелковска, декан на Факултетот за психологија при МСУ
Во рамки на свеченото отворање, ИПОС му додели плакета и благодарница на претседателот на Управниот одбор на Меѓународен Славјански Универзитет, проф. д-р Јордан Ѓорчев, како признание за поддршката и придонесот во реализацијата на овој значаен настан.
