На 2 јуни 2026 година, проф. д-р Борче Арсов го претстави Меѓународниот Славјански Универзитет на престижната Годишна Конференција на регионалните радиодифузери, одржана во хотелот Holiday INN во Скопје, во организација на ЈП МРД Македонско Радио-Дифузија.
Конференцијата се одржа во периодот од 1 до 3 јуни 2026 година и претставуваше значаен собир на водечки имиња од светот на радиодифузијата и медиумската индустрија. Проф. д-р Борче Арсов учествуваше во панел дискусијата насловена „Broadcasting Tomorrow”, каде заедно со истакнати меѓународни и домашни стручњаци ги разгледуваа предизвиците и перспективите на радиодифузијата во иднина.
Панелот го модерираше Моника Ивановска, а меѓу говорниците беа и Jean-Pierre Faisan од BNE, Jacqueline Bierhorst од WorldDAB, како и Robert Ordanovski од Mepso.
Настанот протече во извонредна атмосфера, со богата размена на искуства, знаења и визии за иднината на медиумската сцена. Учеството на проф. д-р Борче Арсов уште еднаш го потврди местото на Меѓународниот Славјански Универзитет како активен чинител во академскиот и медиумскиот простор, не само во земјата туку и на регионално и меѓународно ниво.
