Организацискиот одбор на Шестиот меѓународен философски дијалог „Исток – Запад“ информира дека годинешното издание со симпозиумска тема „Филозофија на меморијата“ коешто треба(ше) да се одржи од 7-9 октомври во Скопје, Битола и Охрид се пролонгира за наредната година.
Како и многу други традиционални и етаблирани случувања кај нас и воопшто во светот, неизвесноста поврзана со Ковид-19 пандемијата услови да се попречи ефективната организација на настанот, па со оглед на околностите, организаторите (Академијата на науките и уметностите на Република С. Македонија – МАНУ, Меѓународниот славјански универзитет „Г. Р. Державин“, Филозофскиот факулет при УКИМ – Скопје и Филозофското друштво на Македонија) одлучија Дијалогот со истата тема да се одржи во октомври 2021 година (точните датуми дополнително ќе бидат соопштени).
