На 10 јуни 2022 година (петок) се одржа 13-та Меѓународна научна конференција „Меѓународен дијалог: ИСТОК-ЗАПАД“, која секоја година се одржува на Меѓународен Славјански Универзитет. Конференцијата се одржуваше истовремено и онлајн и со физичко присуство на МСУ во Свети Николе.
Научни насоки на конференцијата беа
- Безбедносно инженерство и информатика,
- Економија,
- Филозофија, лингвистика и културологија,
- Право и политикологија и
- Психологија и образование.
Со поздравен говор на конференцијата се обратија проф. д-р Јордан Ѓорчев, претседател на Управен Одбор на МСУ и проф. д-р Ирина Безукладова, директор на одделение за Меѓународна соработка, од Тамбовскиот државен Универзитет „Г. Р. Державин“ – Тамбов.
Модератор на конференцијата беше м-р Милена Спасовска, асистент на Факултетот за психологија при Меѓународен Славјански Универзитет.
