На 25 февруари со почеток од 12:00 часот се одржа петтото и последно предавање од Зимската лидерска школа на тема „Важноста на лидерот во организацијата“ од проф. д-р Mенде Солунчевски, проф. д-р Трајанка Макревска и проф. д-р Снежана Малцов. Модератор на настанот беше Марјан Ѓорѓиевски. Ова предавање беше хибридно: со физичко присуство на Меѓународен Славјански Универзитет во Битола, а истовремено можеше да се следи и преку Zoom платформата. Зимската лидерска школа е организирана од Меѓународниот Славјански Универзитет и Младински Борд – Штип.
На 90-минутното предавање присуствуваа околу 200 лица. Лидерите играат клучна улога во успехот на секоја организација. Без силно лидерство, организацијата може да има големи предизвици во остварување на своите цели. Со разбирање на улогите и одговорностите на лидерите, поединците можат да ги развијат вештините и знаењата неопходни за самите да станат ефективни лидери и да им помогнат на нивните организации да постигнат успех.
Сите учесници ќе добијат Благодарница за учество. Зимската лидерска школа е бесплатна и учество може да земат сите заинтересирани граѓани.
