На 3 мај 2023 година на Меѓународен Славјански Универзитет во Битола, Ана Аврамоска Нушкова, проектна координаторка во Националната мрежа против насилство врз жени и семејно насилство заедно со доц. д-р Марија Гроздановска, продекан на Факултетот за правни науки одржаа работилница на тема „Заштита на жртвите на родово базирано насилство во Р. С. Македонија“.
Работилницата имаше за цел да ги запознае присутните со родовото насилство, формите во кои тоа се појавува (физичко, психичко, сексуално, економско… ) како и неговото спречување.
Клучен акцент на работилницата беше ставен на важноста од препознавање на родовото насилство, неговата природа и последиците, како и поддршката на жртвите.
