Денес, 1 март 2023, студенти од Факултетот за правни науки при Меѓународен Славјански Универзитет под менторство на д-р Јагода Митревска учествуваа на еднодневен семинар за студенти на тема Парламентот (Собранието) како основна институција на парламентарното право. Содржините за семинарот се развиени и реализирани од Одделението за едукација и комуникација во Парламентарниот институт на Собранието на Република Северна Македонија.
Во рамки на семинарот беше организирана обиколка на зградата на Собранието со Соња Стаменковска, советник-историчар, се одржаа предавања на теми поврзани со организацијата и функционирање на Собранието од Дејан Димитриевски, раководител на Одделението за едукација и комуникација и пратеници во Собранието на Република Северна Македонија како предавања за правната положба на пратениците од Томе Гушев, советник за правно-политичка едукација.
На сите учесници на работилницата им беа доделени сертификати за учество.
